Amdanom Ni
Adeiladu seilwaith tynnu carbon Cymru, gyda'n gilydd
Ein Enw, Ein Cenhadaeth
Clo - gair Cymraeg, cenhadaeth Gymreig. Ni'n cloi carbon mewn biolosg ac yn ddwfn yn y pridd, lle mae'r carbon yn aros dan glo & mae'r gwerth yn aros yng Nghymru.
Ein Targed 2032
Yn flynyddol, byddwn yn cyflawni o leiaf 350,000 tunnell o dyniadau CO₂c parhaol erbyn 2032.
Mae cyflawni hyn yn golygu partneru â hyd at 5,000 o ffermwyr a thirfeddianwyr mewn ymdrech wirioneddol gyfunol i drawsnewid o leiaf 30,000 hectar o'n tîr amaethyddol yn ddatrysiad storio carbon unedig, parhaol.
CO2e dynnir yn flynyddol
Ffermydd a gefnogir
Amaethgoedwigaeth newydd
Pam Dechreuon Ni
Mae cyfyngu cynhesu byd-eang yn gofyn am dynnu biliynau o dunelli o CO₂ o'r atmosffer. Mae'r Panel Rhynglywodraethol ar Newid Hinsawdd (IPCC) yn glir: mae tynnu carbon deuocsid yn hanfodol i gyflawni sero-net. Ond mae sut mae'r carbon hwn yn cael ei dynnu - a phwy sy'n elwa - yn bwysig.
Mae gan Gymru hanes hir o echdynnu adnoddau, lle gadawodd gwerth gymunedau tra bod costau amgylcheddol yn aros. Wrth i dynnu carbon dyfu'n fyd-eang, mae modelau echdynnol tebyg yn ymddangos, gyda gwerth yn cael ei gipio gan blatfformau pell yn hytrach na chymunedau lleol.
Rydym yn credu y gall tynnu carbon weithio'n wahanol. Gall gyflawni effaith carbon tra'n creu gwerth economaidd a chymdeithasol lleol parhaol. Rydym yn adeiladu'r seilwaith i alluogi'r model hwnnw.
Mae tegwch yn sail i'n dull: tynnu carbon sy'n cryfhau cymunedau, yn defnyddio tir a llafur lleol ac yn sicrhau bod manteision yn cael eu rhannu'n lleol - tra'n cyfrannu at nodau hinsawdd byd-eang.
Pwy Ydy Ni
Mae ein tîm sylfaenu yn cyfuno 55+ mlynedd o brofiad ar draws cynhyrchu amaethyddol, economeg, trosi thermol biomas, rheoli tir, ymchwil a datblygu pyrolytig, dylunio systemau & datblygu cynnyrch digidol - Sy'n ein gosod mewn sefyllfa unigryw i bontio arferion ffermio traddodiadol â'r arloesiadau tynnu carbon diweddaraf.
Cwrdd â'n cyd-sylfaenwyr
Dr. Robert Johnson
Gwyddoniaeth Carbon a Biolosg
Richard Edwards
Defnydd Tîr a MRV
Cai Matthews
Datblygu Busnes a'r Platfform
Sut Ni'n Gweithio
Mae ffermwyr eisoes yn stiwardio tua 90% o dîr Cymru. Gyda'r offer cywir a chymhellion teg, rydym yn gwybod bod ganddynt y wybodaeth a'r profiad i gyflawni tynnu carbon i'r safonau uchaf.
Ein ffocws yw darparu'r offer hynny. Cymwysiadau biolosg ymarferol, wedi'u graddio'n briodol ac ar seilwaith digidol cadarn, disylw sy'n dod o'n profiad gwaith, ac o wybod mai dim ond pan fydd arloesedd hinsawdd yn cwrdd â realiti bywyd ffermio bob dydd y gall newid ddigwydd.
Pontio'r Rhaniad
Rydym wedi gwylio'r bwlch rhwng llunwyr polisi a chymunedau ffermio yn tyfu gyda phryder gwirioneddol. Mae polisîau hinsawdd â bwriadau da sy'n camddeall realiti amaethyddol yn creu gwrthwynebiad lle mae angen aliniad a gweithredu ar y cyd. Gyda llai a llai o amser i weithredu ar yr argyfwng hinsawdd, ni allwn fforddio'r rhaniad hyn.
I ni, mae llwyddiant yn golygu llawer mwy na thunelli o garbon a dynnir. Mae'n ffermydd teuluol yn ffynnu i'r genhedlaeth nesaf, cymunedau gwledig wedi'u hadfywio gan ddiwydiannau gwyrdd. Ein huchelgais yw profi bod gweithredu hinsawdd a chyfiawnder cymdeithasol yn cynrychioli'r un nodau, gweithredoedd a chanlyniadau.
Adeiladu Ein Seilwaith Cyfunol
Rydym yn creu seilwaith tynnu carbon cyfunol Cymru, sy'n golygu creu strwythurau llywodraethu sy'n sicrhau bod gan ffermwyr a chymunedau lais a pherchnogaeth wirioneddol yn y system maent yn ei hadeiladu.
Rydym ar hyn o bryd yn ffurfio strwythurau cyfranogol a phaneli cynghori, gyda mewnbwn gan ein partneriaid ffermio cynnar a rhanddeiliaid o undebau ffermio, llunwyr polisi'r sector cyhoeddus a rhanddeiliaid diwydiant allweddol.
Mae'r gwaith llywodraethu yma yn cael ei arwain, yn rhannol, gan egwyddorion Deddf Llesiant Cenedlaethau'r Dyfodol a'n cred sylfaenol: dylai'r rhai sy'n gwneud gwaith tynnu carbon lunio sut mae'r system yn gweithredu, a rhannu yn ei llwyddiant.
Bydd fframweithiau llywodraethu llawn yn cael eu lansio wrth i ni dyfu gyda'n cymuned ffermio. Os oes gennych ddiddordeb mewn llunio'r strwythurau hyn, cysylltwch â ni.
O Gymru i'r Byd
Yng Nghymru, mae gennym yr amodau a'r adnoddau naturiol i ddangos dynnu carbon sy'n canolbwyntio ar y gymuned ar raddfa: tîr amaethyddol crynodedig, traddodiadau cydweithredol cryf, fframweithiau polisi cefnogol, a chymunedau sydd angen adfywiad economaidd.
Ond nid ydym yn ynysig... Mae gweithredu hinsawdd effeithiol yn gofyn am ymdrech gydlynol ar draws rhanbarthau a ffiniau. Wrth i ni adeiladu a mireinio ein dull, rydym yn dogfennu beth sy'n gweithio (a beth sydd ddim) i eraill sy'n mynd i'r afael â heriau tebyg yn eu cyd-destunau eu hunain.
Mae'r methodolegau rydym yn eu datblygu yma - ar gyfer strwythurau cefnogi ffermwyr, cymwysiadau biolosg, a rhannu gwerth yn deg - wedi'u dylunio i fod yn addasadwy ac yn wydn i'r hinsawdd. Mae gan wahanol ranbarthau systemau amaethyddol gwahanol, amgylcheddau polisi, a strwythurau cymunedol... Rydym yn adeiladu gyda'r realiti hyn mewn côf a golwg.